'A SOLUZZIONA (105-106)

Tengo nu prubblema
ca m'assilla
'a tant'anne,
...quase 'na vita!
Mai agge putute truva'
'na soluzziona,
eppure
nce aggio penzato assai!
'Stu prubblema
se chiamma "PECCHE' ";
'nzuonno agge spiate pure
all'omonimo mio,
matematico e scinziato
di gran fama:
nu quintale 'e cervella
dint''a chella capa janca...
'a letto 'a traccia
'e 'stu prubblema.
s''è passata 'a mana
'int''e capille,
'a penzato nu poco
e po' m''a ditto:
"Oi ni,
a 'stu prubblema
mai nisciuno
truvarrà 'na soluzziona,
è troppo ruosso pe' nnuie
...poveri mortali!
Sul'Isso 'o ssape
ma, famme 'na carità
nun ce 'o spia'!
Tu vuo' sape' pecché
'stu prubblema
nu tene soluzziona?
embè, mo t''o dich'io:
Nunn'esiste 'na risposta
a nu prubblema
ca nunn'esiste!
" PECCHE' "
nun ce adda sta'!...