'A PUISIA 'E GHIACCIO (117)

Agge fatto nu guaio ruosso assaje,
'na cosa ca nunn'essa avuta fa':
agge scritta 'na puisia,
l'agge penzata cu tutt''o core;
ma 'stu sbaglio c'agge fatte
nunn'è 'a puisia c'agge penzate,
ma addo' l'agge scritta:
l'agge scritta 'ncopp''o ghiaccio
e 'o destino suio è chillo 'e scumparé,
cu 'a primma lenza 'e sole ca la coglie
tutt''a lastra 'e ghiaccio se squaglia
e tutt''e parole meie e tutt''e penziere
cu tutt''e ggioie e tutt''e turmiente
c'avevo scritto dint''a sta puisia pe' te,
scumpareno dint''o cielo
e volano e se mmescano
cu tutt''e suonne mieie
ca so' rummaste tale!
Ma 'a matrice 'e 'sta puisia
ie l'agge scurpita dint'all'anema
e mai m''a putarria scurda',
e pure dopp''a morte
restarra' viva pe' l'eternità!...

Alberto Iannuzzi 09.12.2009