'O VICO (123)

Ogni tanto, 'a matina 'e notte
facce dduie passa pe' dint''o vico,
dico "buongiorno" 'e pprete,
'e puteche ancora 'nzerrate,
dico "buongiorno" 'o vico ...e penzo:
penz'a tant'anne fa' quann'a' stess'ora
'o vico era già vivo 'a tantu tiempo,
sent''o rummore d''e rrote d''e carrette,
'e vvoce d''e puteche già scetate,
'e vvoce d''e cummare già p''a via,
...'e vvoce d''o vico ca tengo dint''e chiocche;
mo', 'o vico dorm'ancora:
tutt''e puteche so' comm''e bumbuniere
e arapene 'e pporte
all'ora 'e cavaliere!
.....
Ma ie dico "buongiorno" 'o vico, ancora,
pecché 'o tenghe sempe dint''o core!

Alberto Iannuzzi 30.05.2007