
Vinticinc'anne!!
mamma mia,
quanne ne so'!
Eppure par'ajere:
tutt'alliccate
'ncopp'artare
d''o Carmene
a Surriento
ca t'agge ditto SI
cu tutt''o core!
...
Tre ffiglie,
dduie cagn''e casa,
ciente mestiere,
ore triste,
ore allère,
discussione
e festecciolle!
...
Vinticinc'anne
'e vita 'nzieme,
...quase 'na vita,
chiena d'ammore.
Tant'anne so' passate.
ma... par'ajere!...
Alberto Iannuzzi 23.09.1993
Nessun commento:
Posta un commento