'A PRIMMA CUMUNIONE (101)

'A primma vota
d'ogni ccosa
è sempe 'n'emozzione!
Ma 'a primma vota
'e 'sta cosa speciale,
'a fora all'emozzione,
pure l'anzia t'assale:
addenucchiata
annanza a Isso,
cu 'e mmane unite
e ll'uocchie lustre
aspiette ca te trase
dint''o core,
pe' t''o purta' cu tte
pe' sempe!...
'A primma cumunione
è 'o juorno cchiù bello
'e tutt''a vita,
e quanne c''o tiempo
accummienze a vivere
'e ricuorde
penzarraie a 'stu juorno
comm''a chillo cchiù bello,
e pruvarraie
'a stessa cummuzzione
d''o juorno
d''a primma Cumunione!...

Alberto Iannuzzi 19.05.1993