'E PRUGGETTE (114)

Quanta vote
partimme pe' fa' quaccosa,
ma po', 'e 'na manera o 'n'ata
nun pigliamme mai
'abbiata d''o ffa';
forze pe' paura
o forze pe' musciarìa
passamme appriesso,
penzammo po'
d''o ffa' cchiù tarde
o, addirittura, 'n'ata vota!
....
Priammo cu devozzione
'o Pataterno
e prummettimmo
'e fa' chissà che cosa,
chissà pe' chi;
Ma po', comme pe' ll'ati ccose
nunn''o facimme!
Dammece 'na mossa,
dammece a d''a fa',
facimme, nun pensamme,
e nun turnammo arrete,
pure pecché se dice:
"Acqua ca nun cammina
fa' pantano e fète!"...

Alberto Iannuzzi 19.03.2003