Ai tempi d'oggi,
cu tutte 'sti prubbleme,
cu tutte 'sti penziere,
a tutte quante:
femmene e uommene,
viecchie e criature,
'a distrazziona
è cosa assai normale!
'E guagliune
'a casa, 'a scola
sempe cu 'a capa dint''e nnuvole;
l'uommene
cu tutt''e penziere
ca girano dint''e chiocche,
alla guida e all'ufficio
nun riesceno a penza'
a chello ch''anna fa';
'e femmene po'
...nun te dico:
quanno cucinano
scagnano 'o zuccaro cu 'o ssale,
e quanno se vesteno
scagnano 'a mutanda
cu 'o filo interdentale!...
Alberto Iannuzzi 16.09.2004
Nessun commento:
Posta un commento