Quann'arriva 'o riece 'austo,
dint''a notte 'e San Lurenzo,
tutt''a ggente a nas''all'aria
guarda 'o cielo e guarda 'e stelle
pe' sperà, si pe' furtuna
'na cumeta po' vede',
pe' penzà nu resererio,
'na speranza o nu gulìo!
Mentre chesto penzav'io,
sento 'a voce 'e nu crestiano:
era nu napulitano
'ncopp''a terra Jugoslava...
forze pe' telepatìa
o pe' n'ato chesso' io,
'sti penziere mieie liggeva
e cu' rraggia me diceva:
"Ne' cumpa', tu che m'ammacche?
dint''a notta, a stu paese,
chisti surche ca verimme,
no, nun so' stelle cadente,
...ma pruiettele tracciante!...
Alberto Iannuzzi 11/08/1993
Nessun commento:
Posta un commento