E' l'una 'e notte,
'o cuorpo se rilassa
ma 'a capa nun vo' rurmi'!
Dint''a 'sta stanzulella
cu 'a luce fioca fioca,
me passano pe' 'nnanze
tanta fantasme ianche,
se sa', songh''e penziere
ca veneno e vanno
e tornano a veni',
ma mai ca se ne vanno
pe po' nun turna' cchiu'!
Nun basta 'na jurnata,
già, chella nun po' basta',
so' troppe 'e ddistrazzione
ca nun fanne penza'!
Ma 'a notte, ...si, 'a notte,
si no che 'nce sta' a ffa'? ...
Alberto Iannuzzi 20.04.1993
Nessun commento:
Posta un commento