BASTA ! (60)

Basta cu 'sti penziere triste,
basta cu 'a pecundrìa,
basta cu 'sti Ddie 'e guaie!
Addo' sta 'a ggioia,
addo' sta 'o pizz''a riso
addo' stanne ll'uocchie ridente,
addo' sta l'ora felice,
'a jurnata cuntenta,
'a gita spenzierata
cu 'a famiglia
e cu ll'amice,
addo' sta 'a voglia de campa'
cu 'o rise e cu 'a canzone,
addo' sta 'a felicita',
'a vita senza penziere
e senza guaie 'a penza'?
...Gia',
...addo' sta?...


Alberto Iannuzzi 25.12.1992