LA PINACOTECA (153)

Tengo 'na galleria
addo' teng'astipate
tutt''e cchiù belli quadre,
'e cchiù bell'opere d'arte
'e tutt''a vita mia!
Quanne so' triste
o teng''a pazzarìa,
me facce nu ggiro
pe' tutt''e sale
'e 'stu museo
e me guardo
'o ritratto 'e mamma mia,
chille 'e papà
d''e nonne,
d''e frate e ssore,
po' me guardo 'o quadro
'e 'sta bella città 'e quann'ero criaturo,
'e ritratte d''o ciardino
addo' passave 'e mmegli jurnate!
d''a cammarella mia
e d''e pazzielle
ca m'enn' accumpagnato
pe' tutt''a ggiuventù!
po' vac''a vede' 'a sala
addo' nce sta 'o ritratto
d''a guagliona mia
e po' chille d''e figlie
e d''a nennella mia!
So' tutt'opere d'arte
d''e megli pitture
e d''e meglie fotografe
'e tutt''o munno.
...Addo' se trova 'stu museo?
sulo dint''a capa mia!
pecché chest'è
" 'A PINACOTECA D''A FANTASIA"

Alberto Iannuzzi 05.04.2001