'E CHIACCHIERE (65)

Chiacchiere e tabbacchère 'e ligno
'o Banco nun 'e 'mpigna!
'E chiacchiere
so' alit''e viente
ca fanne rummore
e nun serveno a niente!
Aggiu fatto, aggiu ritto,
aggiu visto, aggiu rutto;
dirò, farò, vedrò, sarò...
so' tutte parole
ca nun serveno a niente;
'e fatte so' ccose
che hanno 'mportanza,
'e chiacchiere volano
e nun regneno 'a panza!
Chiacchiere, chiacchiere,
chiacchiere, chiacchiere,
...so' doce a sentì
ma so' leste a murì...
L'unica chiacchiera
ch''è bbona e che vale,
è sulo 'a chiacchiera
'e Carnuvale!...

Alberto Iannuzzi 17.09.1991