'A fiducia,
che bella cosa!
Si tu te fide 'e me
...fai bbu0ne,
si invece nun te fide,
fai megli'ancora!
Io, pe' 'na quistione 'e core
tenghe nu vizzio:
me fide 'e tuttequante;
ma mo m'aggia 'mpara'
a nun crerere
a chi me sta annanze,
anzi,
accummenze mo' mo':
Stongo 'nfaccia 'o specchio
e sto facenneme 'a bbarba,
teng''o rasule 'nmano,
guardo a chillo
ca me sta 'e faccia
e nunn''o crere,
me stongo attiento
o ca si no'
me taglie 'a faccia!...
Alberto Iannuzzi 29.04.1993
Nessun commento:
Posta un commento