Ddoie cape c'arraggionano
è 'na cosa ardita,
si po' 'sti ddoie cape
so' de 'n'ommo
e de 'na femmena,
...è 'na traggedia.
Patate',
quanne sarra'
'a fine d''o munno,
Tu, ca senza fa' niente
nun ce sai sta',
sicuramente
mettarraie 'ncantiere
'n'atu munno 'a fa'!
Cu tutta l'esperienza
ca t''e fatte,
quanne farraie
'n'ata vota 'a Creazzione,
cagnarraie quaccosa!
quanne spartarraie
'e mare d''e terre,
'e muntagne d''e burrune,
addo' nce 'o mmiette
e addo' ll'ammanche
pe' fa' 'na cosa
cchiù perfett'ancora.
Quanne po' farraie
'a femmena e l'ommo,
qualche ...variante
certo la farraje!
Fa' nu tentativo,
invece 'e fa' la donna
cu ddoie zizze
e cu una capa,
prova a dd'a fa'
cu una zizza
e cu ddoie cape!...
Sicuro sarra'
nu sfizzio 'e meno,
ma certamente
...nu cervello 'e cchiù!...
Alberto Iannuzzi 01.03.2002
Nessun commento:
Posta un commento