PECCHE' ? (104)

Stongo sempe alla ricerca
d''a risposta a tutt''e pecché;
'sta risposta 'a vulimmo
sulo p''e pecché
ca nun ce sonano:
pecché aggia suffrì?
pecché aggia paté?
pecché t'agge perduto?
pecché te ne si ghiuto?
pecché m''e fatte chesto?
e pecché proprio a me?
...So' tutte risposte
ca nun se ponn'avé,
so' troppo materiale,
troppo "terrene"!
Io po' nun chiedo mai:
pecché ogge so' felice?
pecché me sent''o core
dint''o zuccaro?
pecché 'o Pataterno
'sta ggioia 'a da' proprio a me?
No, nun m''o chiedo,
'sti ccose....
me spettane 'e diritto!
...comme me sbaglio!
A tutti 'sti pecché
ca ie me pongo,
'na risposta
io nunn''a trovo mai,
e 'o ssaie pecché?
a 'sti risposte
ca nun so' "terrene"
nun ce po' sta' mai
nu ...pecché!...

Alberto Iannuzzi 23.09.2002