L'ASSILLO (142)

Arrivati a 'na cert'età,
faciteve capace
ca ce avita suppurta'!
Forze sarrà 'a vita,
forze sarrà l'età,
ma pe' cagna' 'sti ccose
nun ce 'a putimme fa'!
Simme troppo presente,
simme tropp'assillante,
nunn''o facimme apposta,
è 'a vita ca ce 'o ffa fa'!
Ddoie song''e ccose
ca ce avita perduna':
'o troppo bbene ca ve vulimme
e 'a paura ca ...ce fotte:
l'ammore ce fa penza'
ca v'avimma semp'aiuta',
'a paura ce fa penza'
ca putite sempe sbaglia'!
Nuie che ve spiammo?
Datece 'a libbertà
'e ve pute' ama',
e 'a libbertà pure
'e ce piglia' paura!
Ma si vui penzate
ca simme proprio pazze,
facitece 'a caretà:
nun ce rumpite 'o cazzo!


Alberto IANNUZZI 07.11.2009

'NA CERTA ETA' (141)

Comm'è bella 'a vita ca s'appripara
quanne s'arriva a 'na cert'età;
Quanta premure, quant'accurtenze,
pare quase d'esse' nu prevete all'altare:
Chesto nun t''o magna' ca te fa male,
chello nun t''o bbevere ca nun te fa bbene;
cu quant'ammore te diceno:
famme fa' a me ca tu nun può fa' cchiù,
nun te vesti' accussì ca nun stai bbuono,
quanne magne nun te spurca'
(è overo ca nun te vavie, ma pò pure capita'),
quanne te faie 'o bagno
o stie dint''o ...WC,
nun 'nzerra' mai 'a porta, fa' ca pozze trasi'!
e nun te dico po' si te fai 'a bbarba....
e ancora ciente cose ca nun te fanne fa'!
Ma 'a cosa assai cchiù triste
è quanno cull'aria 'nzista
te diceno "chesto nun ll''e penza'! "
Capisco ca me vulite bbene
e ca 'o ffacite sule pe' mme,
ma si nun pozzo nè vevere nè magna',
si nun pozzo fa' niente si sto' ssulo,
si me trattate peggio 'e nu criaturo,
e pe' ferni' nun pozzo cchiù penza',
diciteme 'na cosa:
che cazzo camp'a ffa'?



Alberto IANNUZZI 09.11.2009

'A LENGUA (144)

E' overo ca l'ammore se legge dint'all'uocchie,
è overo ca diceno cchiù ll'uocchie ca 'e pparole,
è overo ca dice cchiù 'na guardata ca 'na parlata,
ma 'a vocca...che ce sta a ffa'?
Ie penzo ca p'arrapì 'a vocca pe' parla',
pe' dicere chello ca siente dint''o core,
pe' dicere chello ca fai di' surtant'all'uocchie,
pe' dicere chello ca tu vulisse ca 'll'ate capessero
senza ca tu 'llerice niente,
ce vo' 'o curagge 'e nu lione!...
Dicimme 'a verità: si nun vulimme parlà,
è sule pecché ce futtimme d''a paura
p''e risposte ca putimm'avé,
p''e cunseguenze ca ce po' purta'
si nuie arrapimme 'a vocca pe' parla'!
Forze penzammo ca nunn'è ghiusto 'o suffri',
ca nunn'è ghiusto fa' suffri' a chi vulimme bbene
oppure a chi ce vo' nu mare 'e bbene!
Ma chi simme nuie ca pigliamme 'a decisione
'e dicere chello ca è o ca nunn'è ghiusto?
Forze quanno nun se riceno 'e ccose
se pò suffri' cchiù ppoco?
Nunn''o crere, è overo ca 'a lengua
nun ten'osse ma rompe ll'osse,
ma è meglio ave' 'na mazzata 'e lengua
ca ave' 'na ...malatia 'e core!
Pirciò, facimmece curaggio,
parlammo chiaramente
e sbacantamme 'e chistu piso
...'o core!


Alberto IANNUZZI 09.11.2009

'O CAGN''E CASA (138)

Oi ni',
aiere ch'era 'a festa toia,
so' venuto a Carpinone
pe' te purta' a fa'
'na cammenata;
po', doppo nu pare d'ore
simme jute
'ncopp' Sant'Ata!
Proprio 'e faccia 'a cchiesa
d''a Maronna r''a Neve
nce sta nu ciardino
chino 'e sole
e cu 'na vist''e Ddio:
Nerano, Sancustanzo,
Crape e tutt''o riesto,
ca fa arrapi' 'o core
'a fantasia!...
Chesta mo è 'a casa toia,
'na casa chiena 'e sole,
cchiù vicino 'e frate tuie,
a mammà e papà
e ...a nnuie!
Sacce ca chisto
è sulo 'n'indrizzo
addò truove sciure
visite e saluti,
pecché ie sacce pure
ca Tu nun stai llà
ma mmiez'a nnuie!...


Alberto IANNUZZI 28.09.2002

VURRIA (097)

Si tu fusse 'n'auciello
ie vurria esse' nu nivo
pe' te tené 'o ssicuro
dint''o calore 'e 'na casa;
Si tu fusse 'na nave
ie vurria esse' nu puorto
pe' te tené 'o ssicuro
d''e tempeste d''o mare;
Si tu fusse nu sciore
ie vurria esse' nu libbro
pe' te tené stretta dint''e foglie
e astipà tutt''a bellezza toia.
Ma tu si tu
e ie songh'io
e 'a sola cosa ca me fa felice
è chella 'e t'abbraccia'
e t'astregnere 'ncopp''o core
e te da' tutt''o calore e 'ammore
e te tené stretta
tutta e sulo pe' me!


Alberto IANNUZZI 29.11.1992

SURRIENTO (137)

'E Te, paese bello
hanne parlate
puete e scritture,
'e Te cantano ancora
'e cchiù belli ccanzone!
Tu piace a tutte quante,
Tu piace a tutt''o munno,
e tutte veneno ccà
d'Amereca e d''a Cina
pe' Te venì a vede'.
Tutte veneno ccà
e veneno addu Te
e veneno currenno
pe' vede' sul'a Te!
Surriento Surrié!
Si' 'o paese cchiù bello:
'o sole Te vas''a fronte,
'o mare t'anfonn''e piere,
ma 'o core Tuio addo' sta?
'o core Tuio
sta 'mpiett'a nnuie!
Tu sì 'a perla d''o golfo,
'a perla cchiù bella,
'sta perla ca sta a core
a tutt''o munno!
Tutt''e puete cantano
'e Napule 'e ccanzone,
...'anne raggione:
Napule è bella,
Napule è cara,
ma Tu, Surrié
si 'a cchiù bella d''o munno:
'e juorno Tu si' ddoce,
lucida e sblennente
e 'o sole t'accarezza,
'e notte sì rumanteca
c''a luna ca Te culla!

Alberto IANNUZZI 1964

'A LACREMA E 'A RESELLA (18)

Nu iuorno
dduje cumpagnielle 'e core,
tutt''e dduje figlie
'e belli sentimiente,
pazziavane senza sosta
dint''o ciardino:
abballavano e currevano
facenne 'a gara
a chi arrevava primma
'nfacc''e nnammurate,
'nfacc''e ccriature,
'nfacc''e surdate
e 'nfaccia 'a tutt''a ggente
'e tutte ll'età!
'Na vota venceva uno,
'n'ata vota l'ato...
Stanche 'e chistu juoco,
penzaiene '0e jucà
a "nascondino":
nu poco cuntava uno,
nu poco ll'ato...
'O juoco aruraje poco,
uno dicette all'ato:
"Cu tte nun ghioco cchiù
pecché 'a 'stu juoco
vince sempe tu,
tu si 'a lacrema
e t'annascugne buono arete a me
e io ca so' 'a resella
nunn''o pozze fa' cu te!"

Alberto Iannuzzi 08.04.2010

'A LUNA (040)

Si! ...'a luna!
Sposa d''o sole
ca nun vere maje:
'o ver'asci'
quann'essa s'arretira,
e po' add'asci'
quann'isso s'arreposa...
...che vita 'nfama!...
Eppure 'a Luna
è 'o simbolo 'ell'ammore
e ajuta a tutt''e 'nnammurate:
e 'll'appripara
'o cielo chino 'e stelle,
'a striscia 'argiento a mmare,
p''e fa' sta' azzeccate
a core a core.....
Chello ca nun po' fa' essa
'o ffa fa' all'ate!...
...Che ciorta 'ngrata!...


Alberto IANNUZZI 20.06.2010

'O RILLORGIO MIO (130)

Tenghe nu rillorgio bell'assaje,
è antico... è viecchio comm'a me!
Tutt''a vita m'accumpagnate e m''a signate
'e mumente brutte e 'll'attime 'e felicità;
è bello e nge songhe affezziunato,
..è uno 'e chille ca perfino
nge 'a da' 'a corda ogne matina!
L'auso pe' nu poco e po' l'astipo,
l'auso ancora e 'o torno a l'astipa'!
...po' si' venuta Tu, l''e visto e t'è piaciuto,
e io, senza t''o ffa' di' 'a siconda vota,
l'agge levato e Te l'aggio prestato....
Nun t'aggio vista cchiù pe' tutt''o tiempo,
t'agge chiammata, t'aggio cercata, ma...niente!
Po' all'intrasatta T'agge 'ncuntrata, e Tu,
senza nemmanche me guarda' 'int'all'uocchie,
m'e date 'stu rillorgio dint''e mmane dicenneme:
" nun cammina cchiù " ...e si' sparuta!
L'agge guardate, girate e po' avutate e agge capito ca:
Tu aje tirato tropp''a corda ... e s'è fermato!.....
'A raggiona e 'o sentimento, mai comm''a mo' d'accordo,
me l'anno dato dint''e mmane dicenneme:
nunn''o 'rrapi', ... astipale accussì!......
e mo' 'e vedé l'ora nun me 'mporta cchiù,
ma si proprio 'o vvulesse sape',
guardo 'e stelle e guard''o sole,
e accussì sacce pure che or'è!...


Alberto Iannuzzi 24 marzo 2010

COS'E' L'AMORE (129)

Ho cercato di dare un significato all'Amore!
Ho cercato di dare una spiegazione all'Amore!
Ho cercato le parole per descrivere l'Amore!
Ho cercato di capire cos'è l'Amore!
..........
..........
..........
Alla fine ho pensato che per descrivere l'Amore
no esistono le parole giuste, allora ho deciso
di spiegare (a me stesso) cosa non è l'Amore!
Questo mi è venuto un pò più facile:

L ' I N D F F E R E N Z A ................


Alberto Iannuzzi 14.02.2010

LA VITA ( di Madre Teresa di Calcutta )

La vita è un'opportunità, COGLILA.
La vita è bellezza, AMMIRALA.
La vita è beatitudine, ASSAPORALA.
La vita è un sogno, FANNE UNA REALTA'.
La vita è una sfida, AFFRONTALA.
La vita è un dovere, COMPILO.
La vita è un gioco, GIOCALO.
La vita è preziosa, ABBINE CURA.
La vita è ricchezza, CONSERVALA.
La vita è amore, GODINE.
La vita è un mistero, SCOPRILO.
La vita è promessa, ADEMPILA.
La vita è tristezza, SUPERALA.
La vita è un inno, CANTALO.
La vita è una lotta, ACCETTALA.
La vita è una tragedia, AFFERRALA CORPO A CORPO.
La vita è un'avventura, RISCHIALA.
La vita è felicità, MERITALA.
La vita è la vita, DIFENDILA.

Madre TERESA

IL CUORE DELLA DONNA di Luciano Folgore

A vent'anni il cuore femminile
è una scala diatonica e gentile
che chiede all'uom che resta al do-re-mi:
"Amore bello, quando arrivi al SI"?

Il cuore della donna di trent'anni
torna stanco dal regno degli inganni
ma è pronto a ritornarvi, in sogno o sveglio,
con la speranza di trovar di meglio.

A quarant'anni il cuor della signora
d'una pera d'autunno ha la figura,
non la toccare ché non vede l'ora
di cascare da sè, tanto è matura.

A cinquant'anni il cuore della donna
è come il masso in cima a una colonna:
se lo scuoti viene giù di botto
e sono guai per chi ci resta sotto.

A sessant'anni il cuore sempre in moto
delle donne romantiche e galanti
rassomiglia ad un voto, anzi a un ex-voto
deposto dentro l'urna dei rimpianti.


Luciano Folgore

'O PEROCCHIUSO (128)

...Fatiche 'na vita sana
senza t'arrepusa';
tu nun te firme maie
manco pe' durmi';
pe' te, 'a vita è fatica,
e 'a fatica è vita!
Astipe sorde,
oro e palazze
fatecanne comm'a pazze,
nun spienne 'na lira
manco pe' magna'....
ma che ll'astipe a fa'?
ma chi t''o fa' fa'?...
Oi ne', tu che m'ammacche,
nun t''e fatte capace
ca ll'urdemo vestito
...è senza sacche?......

Alberto Iannuzzi 29.12.2009

TIEMPE 'E NATALE (127)

Nu presebbio fatt'in casa
tutto suvere e vammace
cu 'e pasture 'e terracotta
e cu 'o Ninno dint''a rotta!
Po' 'n'abete prufumato
chin''e palle culurate
ciente luce 'ntermittente
e nu sacco 'e fil'argiento!
Dint''o cesto fatt''e paglia
sta 'o... Bambino di famiglia,
sta cuccato int''a vammace
cu chill'uocchie chine 'e pace!
'O camino abbrucia 'o ligno,
tutt''a casa addora 'e pigne,
spanne attuorno nu calore
ca 'nce fa' rallegra' 'e core!
E' Natale 'ncopp''a terra,
addo' sta 'a pace
e addo' sta 'a guerra,
e si 'a ggente foss'onesta
tutt''o munno stesse 'n festa!...

Alberto Iannuzzi 26.11.1993

NATALE (126)

Natale
è 'a festa d''o Ninno,
chistu Ninno
ca tutte priammo,
chistu Ninno
ca tutte osannammo,
ma nisciuno
'o ringrazia abbastanza
pe' chello c''a fatto p''o munno!
E' nato puveriello
'int'a 'na stalla,
'a campato de stiente
e de patenze
e po' è muorto 'ncroce
tra sgarre e sufferenze!
Ancora 'int''o sciore d''a vita
'a patute e sufferte pe' nnuie.
'nfacci''a roce
s'è fatte 'nchiuvà
pe' ce da' 'na lezzione de vita,
pe' ce da' 'a libbertà!

Alberto Iannuzzi 13.12.1993

FINE DI UN AMORE ::PLATONICO (125)

So' triste:
è muorto nu criaturo!
E' muorto nu criaturo
ca nunn'era nato ancora;
si, era nato,
ma sulo dint''o core;
ancora n'avea vist''o sole,
n'avea vist'ancora 'o mare,
n'avea vasate ancora chella vocca,
n'avea passate 'e ddete 'int''e capille,
e ancora nun l'avea stretta 'ncopp''o core!
E' muorto 'stu criaturo
pecché senza futuro:
s'è mise a raggiuna'
cu 'a capa e 'o core
e ognuno 'e lloro 'a ditt''a soja:
'a fine 'a capa lle dicea:
"lassa sta' ca nunn'è ccosa";
'o core chiagnenno l''a ditte:
"lassale sta' libbero a 'stu sciore"!
E' muorto ma l'atterro dint''o core
nun m''o 'lluntano 'a me manco si moro,
...e ancora, e ancora, e ancora,
chistu criaturo
se chiammava AMMORE!

Alberto Iannuzzi 12.11.2009

'A CAJOLA (124)

Tenevo nu canario 'int''a cajola,
ma, 'a poco a vvenì a mo'
nun me cantava cchiù chella canzona...
Veneva ogni matina 'nfaccia 'e llastre,
doie mullechelle 'e pane isso truvava
e 'na bella canzona me siscava,
mettenneme 'allerìa dint''o core
e addeventamme amice "a core a core"!
'Na cajola l'appriparaie,
p''o fa' sta' bbuono 'ncopp''o davanzale,
e, ogni matina isso sescava e io cantavo....
Aiere agge pigliato 'sta cajola,
l'agge purtata dint''a nu ciardino
e agge arrapota 'a purtecella...
'e asciuto, 'a ggirate nu poche attuorno,
s'è fatto 'na cantata e po'...
e po' è vulato felice 'a via d'o sole;
triste comm'ero pe' 'st'amico perduto
nun ce vulevo penza' cchiù,
ma stammatina 'a tuzzuliate 'e llastre,
s'è fatte 'na cantata e po' è vulate.....
Embè, si o Pataterno t''a fatt''e scelle,
t''a fatte pe' vulà, no p''a cajola!
....
Tengo 'na cajola d'oro
e 'a tenghe 'mpietto,
addò ce sta astipata 'na figliola,
e, manch'essa me canta cchiù chella canzona:
mo arapo 'a porta 'e 'sta cajola
e facce vula' via 'sta gabbianella
'ncopp''o mare p''a via d''o sole;
ma primma ll'aggia dicere 'na cosa:
'a porta 'e 'sta cajola rest'aperta,
fa' comme si fosse 'a casa toia,
e quanne me vuò fa' nu cumprimento,
torna e vieneme a cantà chella canzona,
pecché 'sta cajola è 'a toia e resta llà!...

Alberto Iannuzzi 10.12.2009

LA SCELTA (122)

Per ogni scelta che si deve fare,
certo è che si deve ragionare!
O di cuore, o di cervello,
il problema è sempre quello:
se si pensa sol di testa
il dilemma certo resta;
se ragioni sol di cuore
ripensar ci devi ancora.
Non è semplice trovare
l'equilibrio nel pensare,
e se fai metà e metà,
quì non trovi l'equità!
Per la giusta soluzione,
non devi essere "coglione",
vaglia le cose ad una ad una
ed affidati alla fortuna!

Alberto Iannuzzi 02.06.2007

'O VICO (123)

Ogni tanto, 'a matina 'e notte
facce dduie passa pe' dint''o vico,
dico "buongiorno" 'e pprete,
'e puteche ancora 'nzerrate,
dico "buongiorno" 'o vico ...e penzo:
penz'a tant'anne fa' quann'a' stess'ora
'o vico era già vivo 'a tantu tiempo,
sent''o rummore d''e rrote d''e carrette,
'e vvoce d''e puteche già scetate,
'e vvoce d''e cummare già p''a via,
...'e vvoce d''o vico ca tengo dint''e chiocche;
mo', 'o vico dorm'ancora:
tutt''e puteche so' comm''e bumbuniere
e arapene 'e pporte
all'ora 'e cavaliere!
.....
Ma ie dico "buongiorno" 'o vico, ancora,
pecché 'o tenghe sempe dint''o core!

Alberto Iannuzzi 30.05.2007

L'OMMO E L'AUTOMOBBILE (121)

L'ommo è comme l'automobbile,
a parte 'e ccose certe,
comm''e cosce ca so' 'e rrote,
'o carburante ca è 'o magna',
se po' dì ca 'a fede
e 'o credere a 'o Pataterno
rappresenta 'a batteria:
senza chella 'o mutore nun parte!
se po' cammena' 'o stesso
a ..."motore spento", è overo,
ma se po' ghì sule p''a scesa,
se po' sule scennere, scennere sempe
fino a tuccà 'o funno
senza puté saglì!...
Cu 'e tiempe 'e mo,
e cu 'a tecnologgia,
quaccosa pure è cagnato
dint'all'automobbile
comme pure dint''a vita 'e l'ommo;
'Na vota 'o rispetto 'e ll'ate
e a bbona crianza
(ca po' è chello ca vale,)
era 'o mutore,
invece mo ...nunn'è cchiù 'e serie,
è sulo 'n'opzionale!...

Alberto Iannuzzi 25.02.2005